صفحہ اولکتاب کا نمونہ پڑھیں
عذاب دربدری
ثروت حسین
ترتیب: اعجاز عبید
ڈاؤن لوڈ کریں
ورڈ فائل ٹیکسٹ فائل
فرشتے
نسیان کا فرشتہ
نسیان کے فرشتے
وہ یاد محو کر دے
جو میرے دل کی تہہ میں
کانٹا بنی ہوئی ہے
٭٭٭
آشنائی کا فرشتہ
آشنائی کے فرشتے
ان زمینوں کا پتہ دے
جو مری مانند تنہا
ہجر کا دکھ سہہ رہی ہیں
٭٭٭
شادمانی کا فرشتہ
شادمانی کے فرشتے
صبح میں چہرہ ہے کس کا
جھلملاتی شام کیا ہے
وہ جو آتی ہے چمن میں
اس پری کا نام کیا ہے
٭٭٭