صفحہ اول کتاب کا نمونہ پڑھیں
زبدۃ الفقہ
زوار حسین شاہ
ڈاؤن لوڈ کریں
پہلا حصہ۔ کتاب الایمان
ورڈ فائل ٹیکسٹ فائل
دوسرا حصہ۔ کتاب الطہارت
ورڈ فائل ٹیکسٹ فائل
تیسرا حصہ۔ کتاب الصلوٰۃ
ورڈ فائل ٹیکسٹ فائل
چوتھا حصہ۔ کتاب الزکوٰۃ
ورڈ فائل ٹیکسٹ فائل
ایمان کا بیان
جب آدمی عاقل اور بالغ ہو جاتا ہے تو اس کو ایمان لانا یعنی اللّٰہ کو ایک اور رسولوں کو برحق ماننا فرض ہو جاتا ہے۔جس کی تفصیل آگے آتی ہے، ایمان لانے کے بعد تمام عبادات فرائض و واجبات وغیرہ اس پر لازم ہو جاتے ہیں اور تمام ممنوعات و محرمات حرام ہو جاتے ہیں
فرض دو قسم کے ہیں
۱. دائمی جو ہمیشہ فرض ہو اور وہ ایمان پر ثابت قدم رہنا اور حرام و کفر و شرک سے بچنا ہے۔( یہ عقائد سے تعلق رکھتا ہے )
۲. وقتی جیسے نماز،روزہ،زکوٰۃ،حج وغیرہ ( ان کا حامل علمِ فِقہ ہے ) فرائض کا علم حاصل کرنا فرض ہے۔یعنی جب کسی فرض کا وقت آ جائے تو اس فرض کے متعلق احکامِ شرع کا علم حاصل کرنا بھی ضروری ہو جاتا ہے،مثلاً جب آدمی مسلمان ہوا یا بالغ ہوا تو ان چیزوں کا جاننا ضروری ہے جن کے بغیر ایمان صحیح نہیں ہوتا۔اور جب نماز فرض ہو گئی تو نماز کے احکام کا سیکھنا فرض ہے،ماہ رمضان المبارک کے آنے پر روزے کے احکام اور مالدار صاحبِ نصاب ہونے پر زکوٰۃ کے احکام کا سیکھنا علیٰ ہذالقیاس،حج و نکاح و طلاق و حیض و نفاس و بیع و شرا (خرید و فروخت) وغیرہ کے احکام کا سیکھنا اپنے اپنے وقت پر فرض ہو جاتا ہے۔ایمان و نماز روزہ اور حیض و نفاس کے احکام کا علم بقدر ضرورت حاصل کرنا ہر مومن مرد و عورت پر فرضِ عین ہے
اسلام
اسلام
ہی سچا مذہب ( دین) ہے جو تمام دین و دنیا کی بھلائیاں اور نیک باتیں
سکھاتا ہے اللّٰہ تعالیٰ کے نزدیک مقبول و پسندیدہ دین اسلام ہی ہے بقولہ
تعالیٰ
اِنَّ الدِّینَ عِندَاللّٰہِ الاِسلَامُ (آل عمران آیت ۲)
" بیشک دین اللّٰہ تعالیٰ کے نزدیک اسلام ہی ہے "
ایضاً قال اللّٰہ تعالیٰ
وَرَضِیتُ لَکمُ الاِسلَامَ دِینَا ( سورہ المائدہ آیت ۱)
" میں نے تمہارے لئے دینِ اسلام کو پسند فرما لیا ہے۔"
اور اسلام کو ماننے والے لوگ مسلمان کہلاتے ہیں۔
٭٭٭