صفحہ اول کتاب کا نمونہ پڑھیں
زنجیر بولتی ہے
سرور ارمان
ڈاؤن لوڈ کریں
ورڈ فائل ٹیکسٹ فائل
احتساب
یہ سطحِ آپ کہ پتھر کے انتظار میں تھی
حیات پھر کسی محشر کے انتظار میں تھی
زمانہ عشق کے دستور بھول بیٹھا تھا
زمینِ کفر پیمبر کے انتظار میں تھی
ہوئی ہے کعبۂ عالم میں منتقل جیسے
یہ سجدہ گاہ مرے سر کے انتظار میں تھی
جو میں نے حرفِ بغاوت کا ارتکاب کیا
مرے غنیم نے یوں میرا احتساب کیا
مجھے نکال کے میرے غریب خانے کا
ہر ایک ذرۂ ناچیز آفتاب کیا
پڑی لہو کی ضرورت جو قتل گاہوں کو
خدائے وقت نے میرا ہی انتخاب کیا
ترے کرم کا خزانہ ملا ہوا ہے مجھے
ان آندھیوں میں ٹھکانہ ملا ہوا ہے مجھے
نہ چھین مجھ سے مرے انتظار کی گھڑیاں
کہ زندگی کا بہانہ ملا ہوا ہے مجھے
٭٭٭