صفحہ اولکتاب کا نمونہ پڑھیں
شیرِ خدا
میر ببر علی انیس
ڈاؤن لوڈ کریں
ورڈ فائل ٹیکسٹ فائل
اقتباس
شیرِ خدا کے وصف کہاں تک رقم کروں
شمہ نہ ہو جو سارے نیستاں قلم کروں
کاغذ بجائے تختۂ گردوں بہم کروں
دریا اگرچہ سارے سیاہی سے ضم کروں
لکھنے کو بیٹھیں حور و ملک انس و جن تلک
عشرِ عشیر ہو نہ قیامت کے دن تلک
ہوتا ہے طبع کو جو کسی طرح کا ملال
اس وقت اپنے دل میں یہ کرتے ہیں ہم خیال
ہے مرتضیٰ علیِ ولی سا کفیلِ حال
واللہ دل کو ہوتی ہے اس دم خوشی کمال
لیتا ہوں جب میں نامِ شہِ انس و جان کو
سو سو طرح کی ملتی ہے لذت زبان کو
دیکھو تو نامِ پاک کی تم خوبصورتی
شیرِ خدا، امیرِ عرب، مرتضیٰ علی
زوجہ ملی تو فاطمہ سی دخترِ نبی
بیٹے حسن حسین سے، جن پر فدا ہے جی
حیدر سے لاکھ طرح کی مشکل کشائی ہے
٭٭٭