صفحہ اول کتاب کا نمونہ پڑھیں
شام کے بعد
ایک انتخاب
فرحت عباس شاہ
ڈاؤن لوڈ کریں
ورڈ فائل ٹیکسٹ فائل
دنیا غم کا دریا ہے
دریا بہتا جائے غم کا دریا بہتا جائے
دل اک گھر ہے
چاروں جانب سے گلیوں سے گھرا ہوا۔۔۔۔۔۔۔۔اور۔۔۔۔۔۔
چاروں جانب کی گلیوں سے
دل کی جانب
دریا بہتا جائے
دل بے چارہ
ہنستے روتے
سب کچھ سہتا جائے
دور کہیں اک پاگل اور آوارہ بادل ۔۔۔۔۔۔۔۔
آہستہ آہستہ کہتا جائے
دنیا غم کا دریا ہے
اور جیون دریا کی لہروں کے
رحم و کرم پر آیا ہوا بے چارہ پن ہے
اس بے چارے پن کے سر سے
دریا بہتا جائے
٭٭٭