صفحہ اولکتاب کا نمونہ پڑھیں
روشنی کے خدّ و خال
رفیع الدین راز
ڈاؤن لوڈ کریں
ورڈ فائل ٹیکسٹ فائل
اقتباس
رونقِ بزمِ تکلّم، نکہتِ حرزِ خودی
مرکز فہم و بصیرت، مخزنِ فرزانگی
نصرتِ افکارِ امکاں، ندرتِ تابندگی
پرتوِ انوارِ کل، مفہومِ رنگ و روشنی
آبروئے پیکرِ آدم، حریفِ تیرگی
مرحبا صَلِّ علیٰ، اے آئنہ اے روشنی
٭٭
آپ کی آمد سے پہلے کا زمانہ الاماں
گھپ اندھیرا خیمہ زن تھا جسم و جاں کے درمیاں
گمرہی کا سلسلہ تھا کارواں در کارواں
نفرتوں کا اک جہنم زار تھا یہ خاک داں
روشنی کی منظر تھی یہ فضائی تیرگی
مرحبا صَلِ اعلیٰ اے آئنہ اے روشنی
٭٭
آنکھ تھی بے چین جانے کب سے آنسو کے لئے
پھول خوشبو کے لئے، تلوار بازو کے لئے
جانے کب سے رو رہی تھی رات جگنو کے لئے
نیم جان تھا جسمِ صحرا چشمِ آہو کے لئے
آپ آئے تو مٹی تشنہ لبوں کی تشنگی
مرحبا صَلِ علیٰ اے آئنہ روشنی
٭٭
خاک پر حدِّ نظر تک تھی رِدائے تشنگی
دھوپ نے پی لی تھی اس مٹی کے دامن کی نمی
دہر کی آنکھوں نے کب دیکھی تھی ایسی مفلسی
گر نہیں ہوتی زمانے پر عنایت آپ کی
یہ زمیں خود اپنی صورت تک نہیں پہچانتی
مرحبا صَلِ اعلیٰ اے آئنہ اے روشنی
٭٭
٭٭٭