صفحہ اولکتاب کا نمونہ پڑھیں


قلقلِ آبِ وضو

صفدر

ڈاؤن لوڈ کریں 

   ورڈ فائل                                                                          ٹیکسٹ فائل

مناجات

اے خدا اے خدا
میرے خالق میرے مالک
میری باتوں میں تو، میری آنکھوں میں تو، میری سانسوں میں تو
مِلک تیری زمیں آسماں اور وہ سب جو ہے درمیاں
سب زمینوں میں سب آسمانوں میں اعلٰی تیری شان ہے
پاک ہے تیری ذات
روبرو تیرے میرےیہ آلودہ ہاتھ  
ہاتھ ایسے نہیں  یہ جنھیں چومنے کو بڑھیں بارشیں
ابر پارے پکاریں عمر!اے عمر!
میں گناہوں کے دلدل میں لتھڑا ہوا اک بشر
آنسوؤں سے ندامت کے دھوتا ہوں دھل جائیں
میرے یہ آلودہ ہاتھ
خلق کی آرزوؤں  مرادوں کی تکمیل میں
 پاک ہر عجز کے عیب سے تیری ذات
۔۔۔۔۔۔۔۔۔۔۔۔۔۔۔

٭ ٭ ٭

سبز  ہاتھ

چمچماتی سر پہ بے سایہ ببول
تھر تھراتا ایک صحرا دھوپ رنگ
جس طرف جاؤں چلے چلے یہ سنگ سنگ
بے صدا بے آب بارش سلسلہ
دھول شعلہ قطرہ قطرہ آبلہ
سورجوں کے سائے میں چلتے ہوئے
ریگِ صحرا کی طرح جلتے ہوئے
ایک دن ایساہوا
صبح جب سو کر اٹھا
ٹھنڈ مین لپٹا ہوا
سائے میں بھیگا ہوا
جا بجا بکھری کھجوریں رس بھری
سر پہ جھکتا مہرباں اک سبز ہاتھ
مل گئی راہِ نجات
 جس طرف جاؤں چلیں اب ساتھ ساتھ
نرم گہرا سایہ اور یہ سبز ہاتھ !

٭٭٭

ڈاؤن لوڈ کریں 

   ورڈ فائل                                                                          ٹیکسٹ فائل

پڑھنے میں مشکل؟؟؟

یہاں تشریف لائیں۔ اب صفحات کا طے شدہ فانٹ۔

   انسٹال کرنے کی امداد اور برقی کتابوں میں استعمال شدہ فانٹس کی معلومات یہاں ہے۔

صفحہ اول