قطعہ کلامی

انور مسعود

قطعے

رہے گا یاد فقط ایک کاغذی پُرزہ

بھرے جہاں میں پھر اور کچھ نہ سُوجھے گا

عجیب دُشمنِ لطفِ سفر ٹیکسال ہے کنڈکٹر

مری رقم کا بقایا ٹکٹ پہ لکھ دے گا

ہے ایک چیزِ تیز میں اِک چیز تیز تر

موجِ خرام یار سے بڑھ کر کہیں جسے

پہلی تو شے وہی ہے کہ ٹیکسی ہے جس کا نام

اور دوسری وہ چیز کہ میٹر کہیں جسے

چاند کو ہاتھ لگا آئے ہیں اہلِ ہمت

اُن کو یہ دھُن ہے کہ اب جانبِ مریخ بڑھیں

ایک ہم ہیں کہ دکھائی نہ دیا چاند ہمیں

ہم اِسی سوچ میں ہیں عید پڑھیں یا نہ پڑھیں

دل کی بیماری کے اِک ماہر سے پوچھا میں نے کل

یہ مرض لگتا ہے کیوں کر آدمی کی جان کو

ڈاکٹر صاحب نے فرمایا توقف کے بغیر

’’دردِ دل کے واسطے پیدا کیا انسان کو‘‘

٭٭٭٭٭٭٭٭