صفحہ اولکتاب کا نمونہ پڑھیں


بارش کا پہلا قطرہ

سیما نقوی امروہوی

جمع و ترتیب: اعجاز عبید

ڈاؤن لوڈ کریں 

ورڈ فائل                                                         ٹیکسٹ فائل

عورت کہانی

یہ مانا میں بہت ہی

خوبصورت ہوں

یہ رعنائی یہ شوخی بانکپن جو

سبھی تم کو بڑا خوش رنگ

دل آویز لگتا ہے

 

یہ آنکھیں

مے کے دو پیا لے

کہ جو جھانکے

وہ اک پل میں

نشے میں چور ہو جائے

لچکتی ڈال سی با ہیں

کہ جن کو دیکھ کر

تم سا کوئی محصور ہو جائے

گھنیری زلف کے سائے

کہ جیسے رات در آئے

وہ لالی سرخ ہونٹوں کی

چرا لینے کو جی چاہے

چمکتا چاند سا چہرہ

کہ بس دل میں اتر جائے

یہ قامت سرو کہ جیسی

غزل جس پر کہی جائے

 

مگر اکثر

میں اب یہ سوچتی ہوں

کہیں اس ڈر سے

تم

یہ تو نہیں کہتے

کہ آدھی ہوں مگر

اک دن کہیں پوری نہ ہو جاؤں

کہیں اک دن

تمہارے قد سے بھی

اونچی نہ ہو  جاؤں

٭٭٭

ڈاؤن لوڈ کریں 

ورڈ فائل                                                         ٹیکسٹ فائل

پڑھنے میں مشکل؟؟؟

یہاں تشریف لائیں۔ اب صفحات کا طے شدہ فانٹ۔

   انسٹال کرنے کی امداد اور برقی کتابوں میں استعمال شدہ فانٹس کی معلومات یہاں ہے۔

صفحہ اول