صفحہ اولکتاب کا نمونہ پڑھیں
مشکوٰۃِ بخشش
ڈاکٹر محمد حسین مُشاہدؔ رضوی
ڈاؤن لوڈ کریں
ورڈ فائل ٹیکسٹ فائل
نعت
فضا ہوئی ہے بڑی خوش گوار کیا کہنا
ہے لب پہ مدحِ شہِ ذی وقار کیا کہنا
جدھر سے گذرے وہ جانِ بہار کیا کہنا
مہک مہک اٹھی وہ رہ گزار کیا کہنا
دلِ حزیں مرا کھل جائے بن کے باغ و بہار
جو دیکھوں کوئے نبی خلد زار کیا کہنا
کرم سے اُن کے تصور میں آ گیا طیبا
قرار پا گئے یوں بے قرار کیا کہنا
بس ایک پیالہ سے ستّر کو کر دیا سیراب
کہ مصطفی ہیں وہ با اختیار کیا کہنا
خدا نے اُن کو بنایا ہے قاسمِ نعمت
ہے اُن کے صدقے مرا روزگار کیا کہنا
لحد بنے گی مُشاہدؔ کی مسکنِ انوار
کہ آئیں گے مرے وہ غم گسار کیا کہنا
٭٭٭