میرے ہو کے رہو

وصی شاہ

غارِ حرا کی دیواروں کو

غارِ حرا کی دیواروں کو

چھو کر یوں محسوس ہوا ہے

جیسے میں نے تیرے جسم کو چھو دیکھا ہو

جیسے مجھ میں اقراء اقراء

کی آوازیں گونج اٹھتی ہوں

غارِ حرا کی دیواروں کو چھو کر آقا

علم کی پیاس بجھی بھی ہے

اور

بڑھ بھی گئی ہے !

٭٭٭

میں جو دن کو بھی کہوں رات ، وہ قرار کرے

مجھ کو حسرت ہے کوئی یو ں مجھے بھی پیار کرے

میری خاطر وہ سہے دنیا کے طعنے، دھکے

ننگے پیروں سے وہ صحراؤں کے کانٹے چکھے

مجھ کو پانے کے لئے جُون کے روزے رکھے

میں ہوں دیوانہ، وہ دیوانوں سا اظہار کرے

میں جو دن کو بھی کہوں رات، وہ اقرار کرے

مجھ کو حسرت ہے کوئی یوں بھی مجھے پیار کرے

٭٭٭