صفحہ اول کتاب کا نمونہ پڑھیں
مرثیہ جناب مرزا اسد اللہ خاں مرحوم دہلوی متخلص بہ غالب
الطاف حسین حالی
ڈاؤن لوڈ کریں
ورڈ فائل ٹیکسٹ فائل
مرثیہ غالب
کیا کہوں حالِ دردِ پنہانی
وقت کوتاہ و قصہ طولانی
عیشِ دنیا سے ہو گیا دل سرد
دیکھ کر رنگِ عالمِ فانی
کچھ نہیں جز طلسمِ خواب و خیال
گوشۂ فقر و بزمِ سلطانی
ہے سراسر فریبِ وہم و گماں
تاجِ فغفور و تختِ خاقانی
بے حقیقت ہے شکلِ موجِ سراب
جامِ جمشید و راحِ ریحانی
لفظ مہمل ہے نطقِ اعرابی
حرف باطل ہے عقل یونانی
ایک دھوکا ہے لحنِ داؤدی
جامِ جمشید و راحِ ریحانی
نہ کروں تشنگی میں تر لبِ خشک
چشمۂ خضر کا ہو گر پانی
لوں نہ اِک مشتِ خاک کے بدلے
گر ملے خاتمِ سلیمانی
بحرِ ہستی بجز سراب نہیں
چشمۂ زندگی میں آب نہیں
**
٭٭