صفحہ اول

کتاب کا نمونہ پڑھیں



تمہارا مان رہ جائے

آصف شہزاد

ڈاؤن لوڈ کریں 

  ورڈ فائل                                                   ٹیکسٹ فائل

سالگرہ

ابر پہ پھولوں پر کلیوں پر
چاند پہ گلشن میں پریوں پر
نور پہ خوشبو پر رنگوں پر
اک مسکان سی چھائی ہوئی ہے
سالگرہ تری آئی ہوئی ہے
               
گیت ہیں گاتے چاند ستارے
جھوم اُٹھے ہیں مست نظارے
رُت ساون کی صبح سے شب تک
پھولوں نے مہکائی ہوئی ہے
سالگرہ تری آئی ہوئی ہے
کیا تحفہ دیں سوچ رہیں ہیں
چاند سے کوئی شے لے آئیں
یا پھر پیش کریں دل اپنا
وافر اک زیبائی ہوئی ہے
سالگرہ تری آئی ہوئی ہے

صبح مبارک شام مبارک
عمر کے سب ایام مبارک
ماہ مبارک سال مبارک
دل نے دھوم مچائی ہوئی ہے
سالگرہ تری آئی ہوئی ہے
***

غزل

اپنا اُسے بنانا گر میرے بس میں ہوتا
لوٹ آتا لوٹ آنا گر میرے بس میں ہوتا

آنکھوں میں اُن کی جاتا صورت بدل بدل کر
خوابوں میں آنا جانا گر میرے بس میں ہوتا

چہرے کو مسکراہٹ سے میں سجائے رکھتا
اے یار ! مسکرانا گر میرے بس میں ہوتا
               
دنیا سے ختم کر کے رکھ دیتا رنج و غم کو
بزمِ طرب سجانا گر میرے بس میں ہوتا

قدموں میں اُن کے لا کر تارے بکھیر دیتا
تاروں کو توڑ لانا گر میرے بس میں ہوتا

لاتا نہ نام بھی میں اُس بے وفا کا لب پر
شہزاد کو بھلانا گر میرے بس میں ہوتا
***

***

ڈاؤن لوڈ کریں 

   ورڈ فائل                                                   ٹیکسٹ فائل

پڑھنے میں مشکل؟؟؟

یہاں تشریف لائیں۔ اب صفحات کا طے شدہ فانٹ۔

   انسٹال کرنے کی امداد اور برقی کتابوں میں استعمال شدہ فانٹس کی معلومات یہاں ہے۔

صفحہ اول