صفحہ اولکتاب کا نمونہ پڑھیں
مفاتیح الجنان
تالیف شیخ عباس بن محمد رضا قمی
تر جمہ ہئیت علمی مؤسسہ امام المنتظر (عج)
زیر نگرانی سید نیاز حسینی
ڈاؤن لوڈ کریں
حصہ اول
ورڈ فائل ٹیکسٹ فائل
حصہدووم
ورڈ فائل ٹیکسٹ فائل
شرائط قبولیت دعا
جس طرح ہر عمل اور عبادت کی قبولیت لئے کچھ شرائط ہیں کہ جن کے بغیر عمل اور عبادت قبول نہیں ہے اسی طرح دعا کے لئے بھی شرائط ہیں جب تک ان شرائط پر عمل نہ کیا جائے تو دعا قبول نہیں ہوتی۔
١۔ معرفت و شناخت خدا
قال
رسول اللہؐ:یقول اﷲ عَزَّ وَجَلَّ :مَنْ سَالَنِیْ وَ ھُوَ یَعْلَمُ
اَنِّی اَضُرُّ وَ اَنْفَعُ: اَسْتَجِبْ لَہْ۔حضرت پیغمبر اکرمؐ سے منقول
ہے خدا فرماتا ہے کہ جو شخص مجھ سے سوال اور دعا کرے اور یہ جانتا ہو (اور
معرفت رکھتا ہو )کہ نفع و نقصان میرے ہاتھ میں ہے تو میں اس کی دعا قبول
کروں گا (١٥)
امام صادقؓ سے جب سوال کیا گیا کہ ہم دعا کرتے ہیں لیکن قبول نہیں ہو تی تو آپ نے جواب میں فرمایا :
لَاِ نَّکُمْ تَدْعُوْنَ مَنْ لَا تَعْرِفُوْنَہُ۔آپ اس کو پکارتے ہو( اور اس سے دعا مانگتے ہو )جس کو نہیں جانتے اور جس کی معرفت نہیں رکھتے ہو (١٦)
٢۔محرمات اور گناہ کا ترک کرنا
قال
الامام الصادقؓ :اِنَّ اﷲ یَقُوْلُ اَوْفُوْا بِعَھْدِی اُوْفِ
بِعَھْدِکُمْ :وَاﷲِ لَوْ وَفَیْتُمْ اﷲ لَوَفیٰ اللّٰہُ لَکُمْ۔حضرت امام
صادقؓ سے منقول ہے : خدا فرماتا ہے میرے عہد و پیمان اور وعدے کو
پورا کرو تا کہ میں بھی تمہارے عہد و پیمان (اور وعدے ) کو پورا کروں امام
فرماتے ہیں اللہ کی قسم اگر تم اپنا وعدہ پورا کرو اور احکام الٰہی پر عمل
کرو تو اللہ بھی تمہارے لئے اپنا وعدہ پورا کرے گا تمہاری دعاؤں کو قبول
اور تمہاری مشکلات کو حل فرمائے گا (١٧)
٣۔کمائی اور غذا کا پاک و پاکیزہ ہونا
قال
الامام الصادقؓ : مَنْ سَرَّہُ اَنْ یسْتَجَابَ دُعَائَہُ فَلْیَطَیِّبْ
کَسْبُہُ۔امام صادقؓ فرماتے ہیں کہ جو شخص یہ پسند کرتا ہے کہ اس کی
دعا قبول ہو تو اس کو چاہیے کہ اپنے کاروبار اور کمائی کو پاک کرے (١٨)
حضرت موسیٰ نے دیکھا ایک آدمی ہاتھ بلند کر کے تضرع و زاری کے ساتھ دعا کر رہا ہے خدا نے حضرت موسیٰ کی طرف وحی کی اور فرمایا اس شخص کی دعا قبول نہیں ہو گی :لَاِنَّ فِیْ بَطْنِہ حَرَاماً وَ عَلَیٰ ظَھُرِہ حَرَاماً وَ فِیْ بَیْتِہ حَرَاماً۔کیونکہ اس کے پیٹ میں حرام ہے ( یعنی اس نے حرام کا مال کھایا ہوا ہے ) اور جو لباس پہنا ہوا ہے وہ بھی حرام ہے اور اس کے گھر میں بھی حرام ہے (١٩)
پیغمبر اکرمؐ فرماتے اگر تم چاہتے ہو کہ تمہاری دعا قبول ہو تو اپنی غذا کو پاکیزہ کرو اور اپنے پیٹ میں حرام داخل نہ کرو۔
٤۔حضور و رقت قلب
قال
رسول اللہؐ: اِعْلَمُوْا اَنَّ اﷲ لَا ے َسْتَجِیْبُ دُعَائَ مِنْ قَلْبٍ
غَافِلٍ لَاہٍ۔رسول اکرمؐ فرماتے ہیں : یہ جان لو کہ خداوند اس دل سے دعا
قبول نہیں کرتا جو غافل اور بے پروا ہو (٢٠)
٥۔اخلاص و عبودیت
فَادْعُوْا
اﷲَ مُخْلِصِیْنَ لَہ الّدِیْن۔خدا کو پکارو (اور اس سے دعا مانگو خلوص
نیت کے ساتھ یعنی )اس حال میں کہ اپنے دین کو اس کے لئے خالص قرار دو (٢١)
امام جعفر صادقؓ فرماتے ہیں :وَقَدْ وَعَدَ عِبَادَہُ الْمُوْمِنِیْنَ الْاِسْتِجَا بَةَ۔ بے شک خدا نے اپنے مومنین بندوں سے قبولیت دعا کا وعدہ فرمایا ہے (٢٢)
نا مکمل
٭٭٭