صفحہ اولکتاب کا نمونہ پڑھیں
کروروں دُرود اور لاکھوں سلام
(مع فرہنگ )
جمع و ترتیب:ڈاکٹر محمد حسین مُشاہدؔ رضوی
ڈاؤن لوڈ کریں
ورڈ فائل ٹیکسٹ فائل
دُرودِ رضا پر ایک نظر
امام احمد رضا محدثِ بریلوی کا تحریر فرمودہ یہ قصیدۂ دُرودیّہ اردو زبان و ادب کا ایک شاہ کار قصیدہ ہے۔ جو کہ صنعتِ مرصّعہ میں قلم بند کیا گیا ہے۔ صنعتِ مرصّعہ اس صنعت کو کہتے ہیں کہ نظمِ مسلسل یا قصیدہ میں مطلع یا حُسنِ مطلع کے بعد کم از کم اٹھائیس اشعار اس طرح نظم کیے گئے ہوں کہ ہر شعر کے پہلے مصرع کے آخر میں حروفِ تہجی کا بالترتیب ایک حرف آئے اور حرف ’’الف‘‘ سے شروع ہو کر ’’ی‘‘ پر ختم ہو۔ امام احمد رضا کا صنعتِ مرصّعہ میں لکھا گیا شعری و فنی محاسن سے لبریز، سلاست و روانی اور لفظ و معنی کا نگار خانۂ رقصاں یہ کلام بحرِ بسیط مثمن مطوی مذال (مستفعلن فاعلن مستفعلن فاعلات) میں کل ۵۹؍ اشعار پر مشتمل ہے۔ جس میں اعلا حضرت امام احمد رضا بریلوی نے ’’الف‘‘ سے ’’ی‘‘ تک حروفِ تہجی کا التزام بڑی ادیبانہ مہارت اور حُسن کاری سے اس طرح کیا ہے کہ ہر شعر کے پہلے مصرع میں دو ہم قافیہ فقرے قلم بند کیے ہیں مثلاً ؎
ذات ہو ئی انتخاب، وصف ہوئے لاجواب
نام ہوا مصطفی، تم پہ کروروں دُرود
اس طرح پورے قصیدے میں حروفِ تہجی کے کل حروف کے استعمال کی تفصیل ذیل میں خاطر نشین فرمائیں۔
حروف اشعار کی تعداد
الف ۷
ب ۲
ت ۲
ث ۲
ج ۱
ح ۲
خ ۱
د ۱
ذ ۱
ر ۵
ز ۱
س ۱
ش ۱
ص ۱
ض ۱
ط ۱
ظ ۱
ع ۱
غ ۱
ف ۱
ق ۱
ک ۱
ل ۱
م ۷
ن ۶
و ۳
ہ ۲
ی/ ے ۱/ ۳
٭٭٭