صفحہ اول کتاب کا نمونہ پڑھیں
لفظ لفظ
کلیات فیض احمد فیض
حصہ اول: نقشِ فریادی، دستِ صبا اور زنداں نامہ
حصہ دوم: دستِ تہِ سنگ، شامِ شہر یاراں
حصہسوم: سر وادیِ سینا، غبارِ ایّام، مرے دل مرے مسافر
ترتیب: فرخ منظور، اعجاز عبید
ڈاؤن لوڈ کریں
حصہ اول: ورڈ فائل ٹیکسٹ فائل
حصہ دوم: ورڈ فائل ٹیکسٹ فائل
حصہ سوم: ورڈ فائل ٹیکسٹ فائل
غزلیں
ہمیں سے اپنی نوا ہم کلام ہوتی رہی
یہ تیغ اپنے لہو میں نیام ہوتی رہی
مقابلِ صفِ اعداء جسے کیا آغاز
وہ جنگ اپنے ہی دل میں تمام ہوتی رہی
کوئی مسیحا نہ ایفائے عہد کو پہنچا
بہت تلاش پسِ قتلِ عام ہوتی رہی
یہ برہمن کا کرم، وہ عطائے شیخِ حرم
کبھی حیات کبھی مَے حرام ہوتی رہی
جو کچھ بھی بن نہ پڑا، فیض لُٹ کے یاروں سے
تو رہزنوں سے دعا و سلام ہوتی رہی
***
نہ اب رقیب نہ ناصح نہ غم گسار کوئی
تم آشنا تھے تو تھیں آشنائیاں کیا کیا
جُدا تھے ہم تو میسّر تھیں قربتیں کتنی
بہم ہوئے تو پڑی ہیں جدائیاں کیا کیا
پہنچ کے در پہ ترے کتنے معتبر ٹھہرے
اگرچہ رہ میں ہوئیں جگ ہنسائیاں کیا کیا
ہم ایسے سادہ دلوں کی نیاز مندی سے
بتوں نے کی ہیں جہاں میں خدائیاں کیا کیا
ستم پہ خوش کبھی لطف و کرم سے رنجیدہ
سکھائیں تم نے ہمیں کج ادائیاں کیا کیا
1974ء
٭٭٭