اردو کی برقی کتابیں

صفحہ اول کتاب کا نمونہ پڑھیں


چلو ہم خواب بن جائیں!!!

فاخرہ بتول

ڈاؤن لوڈ کریں 

   ورڈ فائل                                                                ٹیکسٹ فائل

محبت بھول جاؤ تم ۔۔۔ (نظم)، غزل

یہ تم نے کیا کیا؟

پتھر کے بُت میں دھڑکنوں کو کھوجنا چاہا

یہ تم نے دل کی دھڑکن میں،

پرایا گیت لکھ ڈالا

خود اپنے ہاتھ سے اپنے ہی ماتھے کو،

سیاہی سے کیا کالا

محبت اس جہاں کی شے نہیں،

میں نے کہا تھا

اب اس شے کی تجارت ہو رہی ہے جس طرف دیکھو

مری باتوں پہ اب وشواس تم کو آگیا ہو گا؟

چلو، اشکوں سے سارے خواب دھو ڈالو

سُنو، جو تمھارا ہاتھ مانگے آج سے تم اس کے ہو جاؤ

محبت بھول جاؤ تم۔۔۔۔ محبت بھول جاؤ تم

***

غزل


اُس کا خیال ذہن پہ چھایا، چلا گیا

بادل سا کوئی آنکھ میں آیا، چلا گیا

اے رات تو نے اپنا بھروسہ گنوا دیا؟

تُو نے جو خواب آنکھ میں لایا، چلا گیا

ہونٹوں پہ اس تضاد نے پہرے بٹھا دیئے

ہم نے تو جس کسی کو بلایا، چلا گیا

اچھا ہی تھا کہ دھوپ میں جلتے کسی کے سنگ

چھاؤں میں آکے بیٹھے تو سایہ چلا گیا

اُس شہرِ خامشی کا بھی اپنا مزاج تھا

جس نے بھی اس کو آ کے بسایا چلا گیا

جھونکا ہوا کا دل کو مرے چھو گیا بتول

اور اس نے ایک راز چُرایا، چلا گیا

٭٭٭٭٭٭٭٭

ڈاؤن لوڈ کریں 

   ورڈ فائل                                                                ٹیکسٹ فائل

پڑھنے میں مشکل؟؟؟

یہاں تشریف لائیں۔ اب صفحات کا طے شدہ فانٹ۔

   انسٹال کرنے کی امداد اور برقی کتابوں میں استعمال شدہ فانٹس کی معلومات یہاں ہے۔

صفحہ اول