صفحہ اولکتاب کا نمونہ پڑھیں
خواب گر
نظمیں اور نثری نظمیں
سید اسد علی
ڈاؤن لوڈ کریں
ورڈ فائل ٹیکسٹ فائل
اس ٹوٹے دروازے کے پیچھے
اس ٹوٹے دروازے کے پیچھے
رہتی ہیں دو پاگل آنکھیں
سب دریا پن گھٹ سونے پڑے
ہیں صحرا میں وہ چھاگل آنکھیں
اک آس گھنی بارش کی کوئی
وہ پیار بھری بادل آنکھیں
بھانت بھانت کے جذبے جس میں
شور مچاتی ،جنگل آنکھیں
اے ڈوبنے والے یاد تو کر
وہ ساگر ساگر،ساحل آنکھیں
٭٭٭
آؤ باتیں کریں ۔۔۔۔۔۔۔۔
آؤ باتیں کریں
آنے والے اس کل کی باتیں
جب لوگ طوفاں میں گھری
ننھی چڑیوں کی طرح
ڈولتے نہیں پھریں گے
فرار کے اس پل کی باتیں
جب رات کی آنکھیں
نیند سے
بوجھل ہونے لگیں
بھنور سے دور ساحل کی باتیں
جب گیلی ریت کو
ہاتھوں سے تھپ تھپا کر
گھر بنائیں گے
آؤ باتیں کریں
لاحاصل،مستقبل،منزل کی باتیں
٭٭٭