پانچ چوہے گھر سے نکلے

کرنے چلے شکار

ایک چوہا رہ گیا پیچھے

باقی رہ گئے چار

چار چوہے جوش میں آکر

لگے بجانے بین

ایک چوہے کو آگئی کھانسی

باقی رہ گئے تین

تین چوہے ڈر کر بولے

گھر کو بھاگ چلو

ایک چوہے نے بات نہ مانی

باقی رہ گئے دو

دو چوہے پھر مل کر بیٹھے

دونوں ہی تھے نیک

ایک چوہے کو کھا گئی بلی

باقی رہ گیا ایک

اک چوہا جو رہ گیا باقی

کرلی اس نے شادی

بیوی اس کو ملی لڑاکا

یوں ہوئی بربادی

* * * *

گڑیا

عذرا کی گڑیا
سوئی ہوئی ہے
گھنٹی بجاؤ
اس کو جگاؤ
توبہ ہے میری
میں نہ جگاؤں
وہ رو پڑے گی
مجھ سے لڑے گی


***

ڈاؤن لوڈ کریں 

   ورڈ فائل                                                                          ٹیکسٹ فائل