صفحہ اولکتاب کا نمونہ پڑھیں
ہندو شعراء کی عقیدتیں
جمع و ترتیب: ارشد خالد، اعجاز عبید
ؔ
ڈاؤن لوڈ کریں
ورڈ فائل ٹیکسٹ فائل
راجا الفت رائے
ماتمِ شبیرؑ کا د ل پر اثر پیدا ہوا
اے سلامی نخلِ ماتم میں ثمر پیدا ہوا
جب علیؑ سا بازوئے خیر البشر پیدا ہوا
اے سلامی دشمنوں کے دل میں ڈر پیدا ہوا
جب کہ آئی شمر کی صورت سکینہؑ کو نظر
دیکھتے ہی دل میں اس بچی کے ڈر پیدا ہوا
یارو سینچو اشک سے نخلِ غمِ شبیرؑ کو
روزِ محشر دیکھ لینا کیا ثمر پیدا ہوا
مثلِ طاعت فرض ہے سب پر غمِ سبط نبیؐ
کیونکہ اس ماتم میں رونے کو بشر پیدا ہوا
جب لکھا میں نے سلام الفتؔ گلستاں بن گیا
برگِ لفظ اور بارِمعنی سے شجر پیدا ہوا
٭٭٭