صفحہ اولکتاب کا نمونہ پڑھیں
کتابی سلسلہ ہائیکو انٹرنیشنل
سہیل احمد صدیقی
ورڈ فائل ٹیکسٹ فائل
حمدیہ ہائیکو
رئیس باغیؔ
اپنی فکر کرو
سب کا پالن ہار ہے وہ
اس کا ذکر کرو
٭ ٭
کس نے دیکھا ہے
لیکن اس کو اے باغیؔ
دل نے سمجھا ہے
٭ ٭
مت کہہ، ہم سے ہے
دنیا میں ساری رونق
اس کے دم سے ہے
٭ ٭
رب سے آس لگا
دنیا کے آگے ہر گز
دامن مت پھیلا
٭ ٭
رشتہ اس سے ہی
اس کے ہی گن گاتے ہیں
پنکھ، پکھیرو بھی!
٭ ٭
رونق حیات
ہر سُو سرشاری
میرے گھر میں روشن ہیں
اسمائے باری
٭٭٭
سب سے ہے برتر
تیرا ہی نام نامی
اﷲ اکبر
٭٭٭
زخموں کا پھایا
غم کے تپتے صحرا میں
بس تیرا سایا
٭٭٭
بقاؔ ء صدیقی
اﷲ ہی برتر
اس کے علاوہ کوئی نہیں
اﷲ ہی بہتر
٭٭
سب کا رازق تُو
سارے عالَم میں پھیلی
تیری ہی خوشبو
٭٭
عظمت کی تھیلی
تیرے ناموں کی برکت
اس کے دم سے ہے
٭٭
علم نہیں مجھ میں
تیری کیا تعریف کروں
لفظ بہت کم ہیں
٭٭٭