صفحہ اولکتاب کا نمونہ پڑھیں
گزری ساعتوں کی روشنی
خالد شریف
ترتیب: اعجاز عبید
ڈاؤن لوڈ کریں
ورڈ فائل ٹیکسٹ فائل
شام
جب بچھڑتے ہیں
تو یوں لگتا ہے جیسے جسم کا کوئی حصہ کٹ کر
صدا کرتا ہے
اور جیسے ہوا کی سسکیاں کہتی ہیں
ہاں تم میرے اپنے تھے
جب بچھڑتے ہیں
تو گزری ساعتوں کی روشنی ہم کو بلاتی ہے
فضا کہتی ہے
ہاں تم وہ پرندے ہو جو مجھ میں سانس لیتے تھے۔
٭٭٭
غزل
یہی کرو گے کہ اب ہم سے تم ملو گے نہیں
جو بات دل نے کہی تھی اُسے سنو گے نہیں
وہ زخم ڈھونڈ رہا تھا ہنسی لئے لب پر
ہر اک سے پوچھتا پھرتا تھا کچھ کہو گے نہیں
وہ داستاں جسے سنتے تھے روز ہنس ہنس کر
کبھی ہم سے جو سنو گے تو پھر ہنسو گے نہیں
سمجھ رہے ہو کہ کچھ بھی نہیں ہوا خالد
مگر یہ چوٹ ہے ایسی کہ تم بچو گے نہیں
٭٭٭