غزل ہے شرط۔۔شاہین

مدیر: وہاب اشرفی

شاہین کی غزلوں کے منتخب اشعار

دعا دیتی ہوئی سی چہچہا کر لوٹ جاتی ہے

کسی درویش کی جاں قید ہو جیسے گوریا میں

احوال چھپاتے ہیں کیا جانیے کیا جی کا

چہرے سے بڑی عینک ماتھے سے بڑا ٹیکا

اب عمر کے خیمے میں پیوند ہی لگنے ہیں

صحرائے عرب ہو یا بازی گہِ امریکا

رکھ کے سامانِ جراحت طشت میں ترتیب سے

زخم کو پھر اپنے ہونے کی خبر دیتا ہوں میں

فلک تو بجلیوں کی تربیت کر ہی نہیں پاتا

زمیں زادے بھی پتھر پھینکتے ہیں آشیانوں پر

عذابِ نقلِ مکانی تو اک بہانہ ہے

سگِ زمانہ جہاں ہے سگِ زمانہ ہے

٭٭٭