صفحہ اولکتاب کا نمونہ پڑھیں
دستِ صحرا
اظہر ادیب
جمع و ترتیب:ارشد خالد، اعجاز عبید
ڈاؤن لوڈ کریں
ورڈ فائل ٹیکسٹ فائل
غزل
چیختی لُو کو صبا، دھُوپ کو سایا لکھیں
حُکمِ حاکم ہے کہ ماحول کو اچھا لکھیں
جب بدن جلنے لگے اوڑھ لیں اُس زلف کی یاد
جب لہو جمنے لگے اُس کا سراپا لکھیں
نامہ بر خط تو سبھی اُس کے لیے ہوتے ہیں
چاہے ہم نام لفافوں پہ کِسی کا لکھیں
اے خدا ! لکھنا دیا ہے تو یہ توفیق بھی دے
سنگ کو سنگ، ستارے کو ستارہ لکھیں
قافلے سبزرُتوں کے اُتر آئیں اظہرؔ
دستِ صحرا پہ اگر اپنا ارادہ لکھیں
٭٭٭