صفحہ اول کتاب کا نمونہ پڑھیں


دامن پری کا

ریحان اعظمی

جمع و ترتیب: حسان خان

ڈاؤن لوڈ کریں 

 ورڈ فائل                                                                          ٹیکسٹ فائل

                               غزل

ہم نے برسوں میں یہ ہنر جانا

خواہشِ زندگی ہے مر جانا


جلدی جلدی بہت سے کام کیے

زیست کو جب سے مختصر جانا


کتنا سادہ مزاج ہوں میں بھی

میں نے صحرا کو اپنا گھر جانا


بے تعلق کسی کی چاہت میں

سوچنا کس طرف کدھر جانا


شعر کہنا بصورتِ آیات

اور تفسیر سے مُکر جانا


روشنی کی تلاش میں رہنا

تیرگی اوڑھ کر گذر جانا


اک مسلسل سفر میں رہنے سے

سانس لینے کو بھی سفر جانا


جانے وہ انتظار کس کا تھا

جس میں لازم تھا دار پر جانا


رات بھر کروٹیں بدلنے سے

نیند اور خواب کا اثر جانا


آج کی شام، شامِ وحشت ہے

شام سے پہلے آج گھر جانا


کیا بلا ہے سخن شناسی بھی

خود کو ریحان بے ثمر جانا

 ٭٭٭

ڈاؤن لوڈ کریں 

 ورڈ فائل                                                                          ٹیکسٹ فائل

پڑھنے میں مشکل؟؟؟

یہاں تشریف لائیں۔ اب صفحات کا طے شدہ فانٹ۔

   انسٹال کرنے کی امداد اور برقی کتابوں میں استعمال شدہ فانٹس کی معلومات یہاں ہے۔

صفحہ اول