سینما میں نماز

دلاور فگار

قطعے

اگرچہ پورا مسلمان تو نہیں لیکن

میں اپنے دین سے رشتہ تو جوڑ سکتا ہوں

نماز و روزہ و حج و زکوٰۃ کچھ نہ سہی

شب برات پٹاخہ تو چھوڑ سکتا ہوں

پکڑ گئی ہے کلرکوں کی جب سے ایک برات

براتیوں پہ بھی مجھ کو نہیں رہا ہے یقیں

میں ہر برات میں شرکت سے پہلے سوچتا ہوں

کہ اس برات کا رخ جیل کی طرف تو نہی

کسی شاعر نے اک محفل میں نوے (۹۰) شعر فرمائے

ردیف و قافیہ یہ تھا دعا کر دے، دوا کر دے

کہیں مقطع نہ پا کر ایک سامع نے دعا مانگی

اللہ رب العالمین! اس قید سے مجھ کو رہا کر دے

٭٭٭