صفحہ اولکتاب کا نمونہ پڑھیں
مری چاہتوں کو رہا کرو
اجمل نذیر
جمع و ترتیب: اعجاز عبید
ؔ
ڈاؤن لوڈ کریں
ورڈ فائل ٹیکسٹ فائل
خطا
وہ شاعر ہے
اُسے لفظوں میں رنگوں کو برتنے کا سلیقہ ہے
وہ جو بھی بات کرتا ہے
تو اس کی بات کو سن کر
یہی محسوس ہوتا ہے
کہ جُوں الفاظ کی صورت میں
گُلوں کے ہار بُنتا ہو
یا جیسے آسمانوں پر
دھنک کے رنگ چُنتا ہو
یا جیسے کوہساروں سے کوئی جھرنا سا گِرتا ہو
اُسے لفظوں میں رنگوں کو
برتنے کا سلیقہ ہے
مِرے ہمدم مرے ساتھی سبھی اس سے متاثر ہیں
سو اُس سے بات کرنے کا بہانہ ڈھونڈتے ہیں جب
تو لفظوں کو بناوٹ کا کچھ ایسا رنگ دیتے ہیں
کہ اُس کی ذات کے شایاں
سبھی حرفوں کی مالا میں
گُلوں کی باس شامل ہو
مگر میں شاعری کرنے سے قاصر ہوں
سو مجھ کو جو بھی کہنا ہو بِلا تامل،بِلا سوچے
بِنا الفاظ میں رنگینیاں بھرنے کے کہتا ہوں
فقط میری خطا ہے
٭٭٭