صفحہ اول کتاب کا نمونہ پڑھیں


بُلبُل گانا گائے گی

صوفی غلام مصطفیٰ تبسم

جمع و ترتیب:فرخ منظور

ڈاؤن لوڈ کریں 

   ورڈ فائل                                             ٹیکسٹ فائل

آؤ آؤ سیر کو جائیں

آؤ آؤ سیر کو جائیں

باغ میں جا کر شور مچائیں

اچھلیں کودیں ناچیں گائیں

آؤ آؤ سیر کو جائیں


کالے کالے بادل آئے

جھوم جھوم کر سر پر چھائے

مینہ برسے گا خوب نہائیں

آؤ آؤ سیر کو جائیں


باغ میں تازہ پھول کھلے ہیں

رنگ برنگے پھول کھلے ہیں

ہم بھی اپنا رنگ جمائیں

آؤ آؤ سیر کو جائیں


کشتیاں لے کر کچھ پانی کی

کوئی بڑی اور کوئی چھوٹی

پانی میں رکھ دیں، بہائیں

آؤ آؤ سیر کو جائیں


پتّی لے کر اِک پیپل کی

بنسی ایک بنائیں ہلکی

ناچیں گائیں ناچیں گائیں

آؤ آؤ سیر کو جائیں

٭٭٭

ڈاؤن لوڈ کریں  

   ورڈ فائل                                             ٹیکسٹ فائل

پڑھنے میں  مشکل؟؟؟

یہاں  تشریف لائیں ۔ اب صفحات کا طے شدہ فانٹ۔

   انسٹال کرنے کی امداد اور برقی کتابوں  میں  استعمال شدہ فانٹس کی معلومات یہاں  ہے۔

صفحہ اول