صفحہ اول کتاب کا نمونہ پڑھیں
بربریت اور تمدن
خاندان، ذاتی ملکیت اور ریاست کا آغاز
ڈاکٹر عائشہ رسول
ڈاؤن لوڈ کریں
ورڈ فائل ٹیکسٹ فائل
تہذیب کے ماقبل تاریخی دور
مارگن
پہلا شخص ہے جس نے ماہر جن کی گہری واقفیت کے ساتھ انسان کے ماقبل تاریخی
دور میں ایک مخصوص نظم و ترتیب پیدا کرنے کی کوشش کی۔ سوائے اس صورت کے
جبکہ مزید اہم مواد ملنے کی وجہ سے تبدیلیاں کرنا ضروری ہو جائے، امید کی
جا سکتی ہے کہ اس نے جو درجہ بندی کے ہے وہ قائم رہے گی۔
عہد وحشت،
عہد بربریت اور عہد تہذیب، ان تین خاص ادوار میں قدر تاً مارگن کا تعلق
محض پہلے دو سے اور اس عبوری دور سے ہے جو تیسرے عہد کی طرف لے جاتا ہے۔
ان دو عہدوں میں سے ہر عہد کو وہ ذرائع زندگی کی پیداوار کی نشوونما کے
مطابق ابتدائی، درمیانی اور آخری ادوار میں تقسیم کرتا ہے کیونکہ جیسا کہ
مارگن کا کہنا ہے۔
’’عالم فطرت پر انسان کی ساری برتری کا دارومدار
اس بات پر ہے کہ ذرائع زندگی کی پیداوار میں اس نے کتنی مہارت حاصل کی
ہے۔ انسان ہی ایک ایسی ہستی ہے جس کے بارے میں کہا جا سکتا ہے کہ اس
نے غذا کی پیداوار پر پوری قدرت حاصل کر لی ہے۔ انسانی ترقی کی بڑی منزلوں
کا کم و بیش براہ راست تعلق ذرائع زندگی کے وسیلوں کی توسیع کے ساتھ
ہے۔(1) "
خاندان کا ارتقا بھی اس کے ساتھ ساتھ ہوتا ہے لیکن اس میں
ہمیں ایسی کوئی قطعی بنیاد نہیں ملتی جس سے مختلف ادوار کی حد بندی کی جا
سکے۔
٭٭٭٭٭٭٭٭