صفحہ اولکتاب کا نمونہ پڑھیں
زمین کا عذاب
عوض سعید
ڈاؤن لوڈ کریں
ورڈ فائل ٹیکسٹ فائل
گڑیا
کل جب اسکول کی گھنٹی بجی
تو میں نے یوں ہی شاہراہ پر رک کر دیکھا
کئی چھوٹی چھوٹی ننھی منی بچیاں
ہاتھوں میں کتابوں کے رنگ برنگ بستے دبائے
شاداں و فرحاں
مگر ایک بچی
سوچ میں غلطاں
آسمان کی طرف ۔ ۔ ۔ حدِ نظر سے دور
خلاؤں میں نہ جانے دیر تک کیا دیکھتی رہی
’’ کیا سوچ رہی ہو بیٹی ؟ ‘‘
جب میں نے اس کے کندھے پر ہاتھ رکھ کر
شفقت سے پوچھا
تو اس نے کپکپاتے ہونٹوں سے صرف اتنا کہا
’’ آپ میرے بابا نہیں ہیں ‘‘
***
تسخیر
تیرگی کے نشاں ثبت ہیں
ہر طرف
در و بام پر گرد سی اڑ رہی ہے
پرندے
درختوں کی جلتی ہوئی ٹہنیوں سے
اُڑے
فضا میں بکھر گئے
بادلوں کے دھوئیں
سے
گرا
ایک پنچھی
بہت نیچے
دھرتی پہ
لاشوں کے انبار کے درمیان
چپ کھڑا ہوں
مرے ہاتھ میں ایک تلوار ہے
٭٭٭