صفحہ اولکتاب کا نمونہ پڑھیں
گلہائے عقیدت
طالب حسین کوثریؔ
جمع و ترتیب: ارشد خالد، اعجاز عبید
ؔ
ڈاؤن لوڈ کریں
ورڈ فائل ٹیکسٹ فائل
نعت
جب قلم سے کچھ بدست کبریا لکھا گیا
لوح پر نام محمد مصطفیٰؐ لکھا گیا
لکھنا لازم تھا سبب تخلیق کائنات کا
الفت خیرالبشر خیر الوریٰؐ لکھا گیا
جس میں قرآن مجسم کا کیا حق نے نزول
اس مقدس شہر کو ام القریٰ لکھا گیا
جب کسی نے نعت لکھنے کیلئے پکڑا قلم
جا بجا بے ساختہ صلِ علیٰ لکھا گیا
اجلی اجلی کیوں نہ ہوتی زندگانی کی کتاب
جس کے ہر صفحے پہ یا نور خدا لکھا گیا
میں خطاؤں پر ہوا نادم خدا نے کہہ دیا
تیرا حامی شافع روز جزا لکھا گیا
میں نے عشق مصطفیٰؐ میں جب لکھا لفظ فنا
میرے اپنے ہاتھ سے لفظ بقا لکھا گیا
آپ کا خالق علیؑ اک آپ کا بھائی علیؑ
دو علی ہیں جن کی خاطر قل کفیٰ لکھا گیا
معجزہ دیکھو حسین ؑ ابن علی ؑ کے خون کا
کربلا کی خاک کو خاک شفا لکھا گیا
نعت کے الفاظ ملنے پر جبیں جھکتی گئی
کوثریؔ کے نام پھر حسن عطا لکھا گیا
٭٭٭