صفحہ اول

کتاب کا نمونہ پڑھیں


انجمنِ رنگ

انتخاب از کتاب: کلیاتِ قابل

شاعر: قابل اجمیری

انتخاب:نوید صادق، احمد فاروق

ڈاؤن لوڈ کریں 

ورڈ فائل                                                                     ٹیکسٹ فائل

منتخب اشعار

تم نہ مانو، مگر حقیقت ہے

عشق انسان کی ضرورت ہے

جی رہا ہوں اس اعتماد کے ساتھ

زندگی کو مری ضرورت ہے

حسن ہی حسن، جلوے ہی جلوے

صرف احساس کی ضرورت ہے

اس کے وعدے پہ ناز تھے کیا کیا

اب دروبام سے ندامت ہے

اس کی محفل میں بیٹھ کر دیکھو

زندگی کتنی خوبصورت ہے

***


بھی مشکل سے سمجھے گا زمانہ

نیا نغمہ نئی آواز ہوں میں

مجھی پہ ختم ہیں سارے ترانے

شکستِ ساز کی آواز ہوں میں

***


تضادِ جذبات میں یہ نازک مقام آیا تو کیا کرو گے

میں رو رہا ہوں تو ہنس رہے ہو میں مسکرایا تو کیا کرو گے


مجھے تو اس درجہ وقتِ رخصت سکوں کی تلقین کر رہے ہو

مگر کچھ اپنے لئے بھی سوچا میں یاد آیا تو کیا کرو گے


کچھ اپنے دل پہ بھی زخم کھاؤ مرے لہو کی بہار کب تک

مجھے سہارا بنانے والو، میں لڑکھڑایا تو کیا کرو گے


ابھی تو تنقید ہو رہی ہے مرے مذاقِ جنوں پہ لیکن

تمہاری زلفوں کی برہمی کا سوال آیا تو کیا کرو گے


ابھی تو دامن چھڑا رہے ہو، بگڑ کے قابل سے جا رہے ہو

مگر کبھی دل کی دھڑکنوں میں شریک پایا تو کیا کرو گے

***

ڈاؤن لوڈ کریں 

ورڈ فائل                                                                    ٹیکسٹ فائل

پڑھنے میں مشکل؟؟؟

یہاں تشریف لائیں۔ اب صفحات کا طے شدہ فانٹ۔

   انسٹال کرنے کی امداد اور برقی کتابوں میں استعمال شدہ فانٹس کی معلومات یہاں ہے۔

صفحہ اول