صفحہ اول کتاب کا نمونہ پڑھیں
آمین
آلوک شریواستو
جمع و ترتیب اور ہندی سے رسم الخط کی تبدیلی: اعجاز عبید
ڈاؤن لوڈ کریں
ورڈ فائل ٹیکسٹ فائل
غزل
تم سوچ رہے ہو بس، بادل کی اڑانوں تک
میری تو نگاہیں ہیں سورج کے ٹھکانوں تک
ٹوٹے ہوئے خوابوں کی اک لمبی کہانی ہے
شیشے کی حویلی سے پتھر کے مکانوں تک
دل عام نہیں کرتا احساس کی خوشبو کو
بیکار ہی لائے ہم چاہت کو زبانوں تک
لوبان کا سوندھا پن، چندن کی مہک میں ہے
مندر کا ترنم ہے، مسجد کی اذانوں تک
اک ایسی عدالت ہے، جو راہ پرکھتی ہے
محدود نہیں رہتی وہ صرف بیانوں تک
ہر وقت فضاؤں میں، محسوس کرو گے تم
میں پیار کی خوشبو ہوں، مہکوں گا زمانوں تک
٭٭٭٭٭٭٭٭